a cura del Prof. Franco Delfino Cosimo.

 
   U misi i Novembri

Puarti i d'ottobri ancora nu sciallu
i fojjhi culurati i virdi russu e giallu

Spanni ppi tutti i vie nu forti adduri 
è ru primu vinu cumi u primu amuri

Tutti su priparati cu mazzi i jhuri
i muarti aspettanu puru i criaturi

San Martinu u tena cchiù u mantu
sulu a mità ormai li serva tantu

L' aria è  nu velu grigiu 'ncuaddru
l'umidu trasa finu a ru cerviaddru

I povari passaricchi a sira cigulianu
cu a munnizzeddra i granu diunianu

I di monti ormai quasi spujjhati
scinnanu i piacuri tutti allamati

Si priparanu lampi pioggia e viantu
a ra marina u civu u manca tantu

Puru u suli s'ammuccia  stancu
a sintiri i lamenteli i tuttu u brancu

Novembri jhinu i tanta  malinconia
u mi vuliri jhagari u cori puru a mia

Cu tutti i nuastri aciaddri migraturi
vulissa vulari  luntanu all"equaturi