Si scrivu tutti si paroli in dialettu ,
è pi ricordari ca u su finiti intra nu puzzettu.

Na vota eranu subba a vucca i tutti quanti,
ricchi povari  struiti e gnuranti.

Mo ca vulimu pariri i cchiu' sapienti,
u n'accurgimu ca u simu nenti.

Sicuru stamu pirdiannu a vera via,
u rispiattu a morali e ra beddra curtisia.

U scrivimu cchiu' mancu a manu,
a pinna e ri quaderni su n' affari stranu. 

Circamu all'atri sulu a maniceddra i da simpatia ,
mustrannu ogni juarnu n'atra  fotografia.

Avanti accussì u sapimu propriu duvi arrivari ,
sulu i ricuardi i du passatu ni ponu sarvari.