a cura del Prof. Franco Delfino Cosimo 

A terra mia

Sa terra rocchitana vuajhu amari
sa terra ca mi parra da vita mia
i l'amici cu manu fattu mai pinari
cu tutti i difficurta' avuti ppi ra via 

Sa terra ch'a trimatu tutta quanta
e ha scunquassatu i casi e ri vie
mò para na cartulina  ca si vanta
ppi ru paisaggiu jhinu i d'alligrie

Sa terra ca m'ha datu tantu unuri
l'aju sirvuta cumi na ranna rigina
sempri prisenti quannu a tutti l'uri 
ma cummannatu i prima matina 

Chissa è na terra tantu beniditta
c'accojha chiri chi ci sanu stari
i di visciri nescia na forti scritta
amatimi facitimi sempi rispittari 

Vi dugnu pani ppi tutti i famijhie
ma nuddru i vui maddi  insurtari
cu brutti fatti o mali parapijhie
ciarcu ppi vui sulu paci famijhari 

U fiumi chi ti duna tantu splindori
è cuami na vena chi sarva  ra vita
sapissi a quanti i nui stai 'ntru cori
luntanu i tia na nustalgia  'nfinita 

U suli ca lùcia ppi tutta a jurnata
e' nu girmuajhu sempi nascenti
ni nutra e ni criscia da matinata
duna a tutti i tirreni nuavi simenti 

Sa terra cu finisciu mai d'amari
è ricca i tanti pirzuni 'ntelligenti
su furmichi chi vanu a ricercari
u necessariu ppi cuarpu e menti

I na sula cosa u namu scurdari
ca ci su tanti giuvini spiranzusi
na terra cuntianti vuanu truvari
libbira i tanti sustanzi ruvinusi

Tutti i diritti sono riservati