a cura del Prof. Franco Delfino Cosimo

   A rìannita i da gioia! 

Su tant'anni ca fatigu sempri I cà e di drà 
mai pagatu giustu ma sulu ppi campà 

Mo manu datu a riannita i da vita
ppi chissu me pututu truvari a zzita 

Duvi mannava mannava vulivanu sapiri
u guadagnu I du juarnu e du misi ppi viviri 

M'aiu accattatu puru a moticeddra
e l'ajiu numinata prigiata faticeddra 

Subba u sterzu c'è misu nu corniciaddru
ppi alluntanri i brutti 'mbidiusi i cerviaddru 

Mò vaiu a fatigari duvi piacia a mia
sulu si sacciu ch'è na bona cumpagnia 

U sabbatu ppi mia e' daviaru nalleggra cori
fazzu sordi fatigannu puru  subba u trattori

U  vuagghiu jiri cchiu' a limosinari
a ra faccia i chini mi jistima si dinari 

Mi sientu nu gran signuri diventatu
cu ra riannita i da vita ca manu datu 

Pirciò minni futtu i l'atri e di tutti quanti
stajiu a ra casa mia riguardatu cu ri guanti 

Nessunu m'obbriga cchiù i jiri a fatigari
I diritti ca mi spettanu mi l"anu dari 

Sa paghiceddra ca pìju ogni misi
ppi mò m'abbasta e fazzu tanti spisi 

All'accurtu a pia puru a zita mia
fazzu corna pi chini tena gelusia 

Accussì mi puazzu spusari 'nsarvamianti
u m'interessa i chiri cu sunu cuntianti 

Giuvini cumi sugnu mi vuagghiu scialari 
alluntagnu  atri brutti pinsiari pi campari

Ringraziu su statu cu vò e nu pò mai sapiri
I sordi ch'allammucciuni mi guadagnu  tutti i siri 

Cu  ri lavuri  chi piacianu a mia
senza dari troppu cuntu e cussì sia.