a cura del Prof. Franco Delfino Cosimo

Rosa e Ginu erano zziti ch'eranu 
ranni

Ancora u si spusavanu doppu 
tant'anni

U patri severu i da guagliuna sempri li dicia 
aspetta u zitu quannu guadagnacchiú di tia

Accussí a vita vostra sarà n'eterna miludia
senza arranciamenti e senza pinusa caristia

Mera mera ppi nu faciti ancuna fissiria
U suppuartu a vrigogna Intra a casa mia

I zziti però tantu stuffati ppi aspittari ancora
cu na 'nzingata fujirunu na nuttata fora

Subba nu praticiaddru chinu i vari jhuri
ppi cumprova s'avianu giuratu eternu amuri 

Sulu a luna chjna li facia i fedeli guardiana 
u cori li sbattia cumi n'allegra campana

A notti u patri ch'avia capitu tuttu quantu
vuliva ca mujjhera u durmiva cchiù di tantu

A matina priastu 'ncitrolitu subba a porta
chiamava ra figghja faciannu a lingua storta

I vicini i ruga ch'eranu propriu tutti arruffianati
sapivanu i du fattu ammucciatu i di due 'nammurati

Chissi sutta bracciu tutti frischi e surridientisi 
ricujhivanu cumi su fussa statu nenti

U suli amicu sinceru e chiaru chi niscia
l'accumpagnava filici pi tutta a longa via

Doppu na notti cu milli e milli duci carizzi
eranu vulati tutti i primi e passati incertizzi

A ri vidiri mamma e patri giujivanu sicretamenti
s'avianu cacciatu tanti pinziari i da menti

L'abbrazzavanu pirciò cummussi assai
chira nuttata u sa scurdavanu mai e pui mai

Mbeci i d'esseri stata na vrigugnusa fujitinasi 
l'accarizzavanu cumi na beddra sposina

U pinsavanu cchiú a ra mala e ignobili figura
picchí ud 'era accaduta na terribili svintura

Passaranu accussí i juarni i misi e l'anni
cu ri niputiaddri senza patiri cchiú affanni