a cura del Prof. Franco Delfino Cosimo.

U munnu gira

Amicu miu cumpagnu spurtunatu
u ta pijhari si stu munnu è stranu
chira beddra zzita chi t'avi truvatu
t'ha lassatu propriu 'ntru pantanu

Tutti dicivanu è propriu fortunata
picchí sapivanu a spertizza tua
l'avivi cumi na rigina 'ncurunata
a pocu l'è sirvuta a gentilizza tua

Ma u munnu gira u si ferma mai
mo a povareddra è rimasta sula
cu ra giustizza ha passatu i guai
u zzitu riccu l'ha ridotta na cula

Guardati 'ntuarnu u ti scuraggiari
appriassu l'irtu vena ru pinninu
viatu chini tena forza I caminari
sicuramenti l'arrivu resta vicinu.